Martha Lungu Mwitumwa, Balozi wa zamani wa Zambia nchini Switzerland. Martha (59) anakabiliwa na kesi ya uhaini Zambia ya kwamba alitaka kushika dola kwa nguvu kwa akishirikiana na watu ambao hawajatajwa.
Martha amewahi kuwa Balozi wa kudumu wa Zambia katika Umoja wa Mataifa na mashirika mengine ya kimataifa huko Geneva na Vienna.
Msemaji wa Polosi, Chipo Kaitisha amedai ya kwamba Martha alipanga njama hizo Lusaka kati ya Novemba 2025 na 23 Oktoba 2026.
Amesema kuwa kwa sasa Martha yuko ndani akisubiri kufikishwa mahakamani.
Martha alianza majukumu ya Ubalozi mnamo Mei 2019 baada ya kuitumikia Serikali yake ya Zambia kwa muda wa zaidi ya miaka 30 kwa kushika nafasi mbalimbali kama Mkurugenzi wa Ikulu katika masuala ya Sherehe, Itifaki na Mkuu wa Mahusiano katika Baraza la Mawaziri.
Pia, aliwahi kuwa Mkurugenzi wa Maendeleo ya Jinsia katika Wizara ya Jinsia kutoka mwaka 2012 hadi 2017. Kabla ya hapo, alikuwa Katibu Tawala wa Wilaya kisha kuwa Mkuu wa Mkoa kutoka mwaka 2009 hadi 2012.
Martha amefundisha kwa muda mrefu ambapo amekuwa akijihusisha sana na masuala ya Maendeleo ya Jamii
