Za Kitaa/Street Talks

Inatosha!!

Mzee
Mzee
Tanzania ni nchi inayopitia katika wakati mgumu ambao yata polisi anakili kutojua kikundi kinachoitwa watu wasiojulikana. Kazi ya polisi ni kulinda ila mlinzi anapokiri kutojua aliyeiba, sasa haifahamiki kama anashindwa kutimiza kazi yake ama kama anatii mashariti kutoka kwa anayemlipa mshahara. Ila anayemlipa mshahara ni mwananchi na sio mkata cheki kila mwezi. Watanzania wengi wanasubiria kujua hao wasiojulikana watajulikana lini kwani mkono unaotumika kwa baadhi ya watanzania unakua mzito sana kuliko wengine ama hata kuangalia pembeni ili kile kinachofanywa na wale wanaoangushiwa nyundo baadala ya kuelekezwa, waendelee kwa uhuru. Pengine utanzania wa wale wanaoachiwa kuendelea na yao ndio wenye haki kwani utanzania wao ni mzito zaidi. Wale ambao utanzania wao ni kwa jina tuu kinachowafaa ni nyundo yenye meno kwani wanachokigombania hawana haki nacho.

Na Sam Ruhuza

Sasa inatosha!!

Chama halali cha siasa, viongozi na wanachama wake wanakutana na kuamua kuwaombea wananchi wenzao waliopotea kwa kutekwa na wanaoitwa ‘watu wasiojulikana!’, wengine wanaamua kwenda nyumbani kwa aliyetekwa kuifariji familia, Police anatokea na kuwazuia na kuwakamata!!! 

Hii kwetu wananchi inatupa tafsiri gani kati ya Police na ‘watu wasiojulikana’? 

Kuna matukio mengine yanatokea hadi mtu unajiuliza, hii ni kweli??!! 

Hao Chadema na Police kuna shida gani?! Mbona ukamataji na ubabe mwingi!,  Kulikoni?! 

Kumbukeni hao ni Watanzania na wana Haki! 

Haki ni kwa Watanzania. Kura ziliibiwa na wasiojulikana. Si vituo vya kura vinalindwaga ama mlinzi aliangalia pembeni wasiojulikana wakafanya yao? Haya ni maswali magumu ila yanaumuhimu na si kupuuzwa. Haki ya Mtanzania ilindwe na kama kuna watanzania wasiokuwa na haki, basi na hilo lijukane.

Tunahubiri sana Amani, tunasahau HAKI ndio mzizi. Haki ikiwapo, amani ipo tu yenyewe, ila unapozuia Haki, lazima anayezuiwa ataidai tu na wewe utajitahidi kumzuia na hapo Amani inajitenga mbali kabisa! 

Hata Mtoto mchanga anajua haki yake ya nyonyo, unapomzuia, atalia tu na utakosa amani kwa kelele zake, sembesu watu wazima??!! 

Pls, Pls, Pls, Police kaeni mbali na mambo ya kisiasa, huko sio kwenu, mnafanya vizuri kwenye ulinzi wa mengine, lakini huku kwenye siasa wanawaingiza kuwachafua ili kutengeneza hasira na wananchi! 

Waliopewa jukumu la kulinda raia na mali zao wakikili ufukuaji wa kaburi na mwili kuibiwa umefanywa na kundi la wale wasiojulikana kwani ulinzi ni kwa wananchi na mali zake. Haijulikani kama aliyefariki alikua si mtanzania tena ama kama utanzania unaisha pale pumzi inapoachana na mwili.

Watawala acheni Police wafanye kazi zao za msingi, haya ya siasa pambana mwenyewe kwenye majukwaa, tunaipenda Amani, toa Haki! 

Tanzania ni yetu sote! 🇹🇿🤝💪

Share this Article
Leave a comment

Leave a Reply

Your email address will not be published. Required fields are marked *

Register Lost your password?